Inaugurado en 1998, o Instituto Feiral de Vigo conta co maior recinto feiral do sur de Galicia, con tres pavillóns destinados á celebración de feiras e espectáculos.

Situado a escasos 100 metros do aeroporto de Vigo, con conexión directa á autoestrada AP-9 e a 13 km do centro da cidade, o IFEVI ofrece un espazo único para a celebración de grandes eventos en Vigo e na súa área de influencia.

O IFEVI é, probablemente, o espazo máis polivalente para organizar un gran evento en Vigo, xa que ten capacidade tanto para acoller grandes feiras internacionais, como Conxemar ou Navalia, como para celebrar congresos ou reunións de traballo para grupos máis reducidos.