O Museo Verbum de Vigo, tamén chamado Casa das Palabras, é un dos máis chamativos da cidade, proxectado polo arquitecto galego César Portela.

A superficie total construída é de máis de 5.000 m², situados nunha parcela de máis de 13.000 m².

O Verbum é un museo interactivo que permite experimentar e coñecer, a través de xogos, todo o relacionado coas linguaxes, os idiomas, as palabras, as letras, os sons, os signos… En definitiva, todas as formas de expresión da comunicación humana.

Ademais, o museo organiza actividades interactivas destinadas a escolares, asociacións, familias, etc.